分享心得

• 本人同大部份港男一樣，希望搵到隻似樣既鑽戒同女朋友求婚，首先當然去過「周六生麟」睇一輪，發覺起碼要7萬蚊，好貴，同埋每間1卡左右既戒指都係得幾十隻俾你揀，選擇太少。
• 之後開始上網睇d樓上舖既網站，平成15%至20%(梗係啦，「周六生麟」又地舖，又咁多廣告)，不過選擇唔多，始終係樓上舖，如果以1卡左右計，每間又係得幾十粒左右選擇。
• 之後唔覺意見到Blue nile呢間eshop，發覺選擇多(以見得人既1卡計，可以有3000幾粒喎)，價錢平(同級計，又再平過香港既樓上舖10%至15%左右)，再了解多d呢間野，原來美國係好興呢類買鑽石既eshop，因為大家都係用張cert黎比較o者。
• o向美國既google同yahoo游走左一輪之後，我終於搵到一間價錢、選擇都係最理想既eshop - b2cjewels.com。
• 呢間野本身可以揀完石之後造埋戒指，款式亦都好多，不過一來鑲工唔平，二來出黎既效果又比較難估計，於是我決定o向呢間野買裸鑽(已經車好晒，有晒證書既石)，之後再俾香港金舖鑲($3000至$4000)。以同級既石比較，呢個做法比「周六生麟」選擇多，價錢平30%至40%，依然有「周六生麟」既鑲工。以同級既石比較，呢個做法比樓上舖選擇多，價錢平15%至20%，更安全，依然有「周六生麟」既鑲工。(經驗分享 : 周大福、周生生、謝瑞麟唔肯幫人鑲唔幫佢地買既石，六福、粵淘澳湛周生生就肯，價錢以後者較平)
• 俾幾個b2cjewels搵到，5萬蚊樓下例子大家睇睇(2011年12月中旬) :

1卡左右、I色、SI1、EX Cut、冇螢光反應，有54粒選擇，平均$44800。

1卡左右、H色、SI1、3EX、冇螢光反應，有39粒選擇，平均$48200。

1卡左右、G色、SI1、3EX、冇螢光反應，有28粒選擇，平均$43000。

 

於是我就開始左我o向b2cjewels既揀石工程，下面係一D小貼士，希望幫到大家:

1.     佢個SERVER應該唔o向亞洲，所以有時反應都有dd慢。

2.     佢有一個好完善既選石系統幫你search，基本上所有條件都可以SET，不過卡數同銀碼只可set接近值，有時你被迫要揀多左野黎睇。不過有一點好好，你search出黎既野可以export做excel form(不過只可200粒或以下)。

3.     佢 set左cookie，會save底你揀過既野，所以大家可以好簡單咁tick左個比較格，佢自動會加左落下面個表，好易搵番。

4.     如果睇中幾粒石，可以send email俾佢地問，又可以用live chat問，佢地會有一team一 follow你。

5.     如果睇o岩d SI1/SI2既石，一定要問佢地，有專人幫你睇清楚係米EYE CLEAN(肉眼睇唔到內含物)，基本上你今日問，24小時內有REPLY。

6.     找數要小心，VISA、MASTER、電匯(BANK WIRE)都可以，VISA/MASTER要小心個信用額，你有幾萬蚊LIMIT唔等於可以全部做網購，自己問清楚銀行先；電匯似乎係最好，如果用E-BANKING既，要事先同銀行申請。

7.     電匯(BANK WIRE)找數可以享有3%折扣(買$50000平$1500架)。

8.     Shipping會用FedEx，買晒保險，安全晒。
9.     時間預算方面，同銀行攪電匯(1星期)，揀石同email往來(1.5星期)，運輸(1.5星期)，搵「周六生麟」揀戒指款鑲石(1.5星期)，電匯/揀石可以同期進行(1.5星期)，其他都只可獨立進行，所以成件事最最最少1個月，所以1.5個月似乎比較穩陣。

10.   30天免費退款(任何原因，只要冇整花粒石，保持原外貌連證書)，當然運費用保險要自己承擔番，不過如果真係要退，記得先EMAIL俾人地。